Δημοσίευσηαπό Σιτάρι » Κυρ Απρ 22, 2018 4:15 pm
Προς ουράνιον ύψος αιρομένην, οσίως αι άψυχοι κυπάρρισοι γνούσαι, έκλιναν οιάπερ λογικαί,, τα κορυφάς, τη υψηλή σου χάριτι δι ής προς ύψος ένθεον μυσταγωγείς τας εκβοώσας
Αλληλούϊα
Ρόδον σε παρθενίας, ο φωστήρ της αγνειας ειδώς ως αληθώς Πανοσία, μήλα σοι πέμπει αειθαλή ων τοις λόγοις σου ως άνθεσι, ευφραίνουσα τους σοι βοώντας.
Χαίρε λειμών χαρίτων ποικίλων
Χαίρε θημών προσόντων αρίστων
Χαίρε μυροθήκη σεπτού αγιάσματος
Χαίρε επιστήμης αγίας διάκονος
Χαίρε μήλον ευωδέστατον, σωφροσύνης ηδυσμός
Χαίρε όρπηξ αμαράντινος, πάραδείσου κυπρισμός
Χαίρε ότι εδρέψω αφθαρσίας τον στάχυν
Χαίρε λαμπάας της θείας χρηστότητος
Χαίρε νευρά της άνω τερπνότητος
Χαίρε πιστών ακεσώδυνωον άκος
Χαίρε Θεού τιμαλφέστατον άγγος
~~ Χαίροις Μήτερ ισάγγελε ~~
Σώφρων ώφθη και έμφρων, ο εχθρώ είξας τέως Νικόλαος ο σος υπηρέτης τη ση γαρ εντεύξει προς Θεόν, εκ της δεινής απηλλάγη οχλήσεως διο τω σε δοξάσαντι, εβόα Μήτερ εν ειρήνη
Αλληλούϊα
Των Αγγέλων την θέαν, μειδιώσα ιδούσα, προσκαλούντων σε προς δόξαν θείαν,ήστραψας ως ήλιος λαμπρός, και λαμπροφόρος τω Λόγω ανέδραμες, λαμπρύνουσα τη χάριτι, τους λαμπρώς σοι εκβοώντας Μήτερ
Χαίρε Οσία η Θεοφόρος
Χαίρε παρθένων λαμπαδηφόρος
Χαίρε των αϋλων Αγγέλων ισότιμε
Χαίρε των Οσίων απάντων ομόσκηνε
Χαίρε συνδρομή πολύφερνος αρετών ασκητικών
Χαίρε συστοιχία έκπλαγος δωρεών πολυειδών
Χαίρε ότι εν ώρα εκδημίας εκλάμπεις
Χαίρε ότι τας φρένας των εστώτων αυγάζεις
Χαίρε φωτός αδύτου συνόμιλε
Χαίρε τερπνού κληρονόμε νυμφώνος
Χαίρε ημών οδηγός φωτοφόρος
~~ Χαίροις Μήτερ ισάγγελε ~~
Ύμνοις επινικλιοις, και αρώμασι θείοις, συστείλαντες το θείον σου σκήνος, πάσα των Ορθοδοξων πλήθυς, συν Αρχιερεύσιν άμα τε και Αρχουσιν, οσμής ζωής επλήσθησαν, τω σε δοξάσαντι βοώντες.
Αλληλούϊα
Φωτισμώ τω αδύτω, εντρυφώσα αλήκτως, ευφραίνη εν τη δόξη Κυρίου τάφος δε ο σος οια λειμών, αρωματίζει πιστών τα συστήματα, άϋλοις διαδόσεσι προς θεραπείαν των βοώντων.
Χαίρε οσμή Χριστού ευωδίας
Χαίρε τροπή εχθρού δυσωδίας
Χαίρε αρωμάτων αΰλων διάπνευσεις
Χαίρε παθημάτων παντοίων κατάλυσις
Χαίρε γαλήνη ηδύπνοια ουρανίων οικτιρμών
Χαίρε μυστική ανάρρυσις ψυχοφθόρων μολυσμών
Χαίρε ότι μυρίζεις των πιστών τας καρδίας
Χαίρε ότι εκπλύνεις των ψυχών τας κηλίδας
Χαίρε θερμόν ημών καταφύγιον
Χαίρε στερρόν εχθρών ολετήριον
Χαίρε Χριστού ευκλεής παραστάτις
Χαίρε θερμή των βοώντων προστάτις
~~ Χαίροις Μήτερ ισάγγελε ~~
Χάριν την της ειρήνης αναβλύζουσα Μήτερ, ως ύδωρ αληθώς ζωηφόρον, το της μνησικακίας μύσος, ως βορβορώδη κατακλύζεις ρύακα της τούτου ρυπαρότητος, καθαίρουσα τους εκβοώντας.
Αλληλούϊα
Ψάλλοντες σου, τους πόνους ευφημούμεν σε Μήτερ ως νύμφην του
Σωτήρος Οσίαν συ γαρ δια βίου καθαρού κατηγγυήθης Χριστώ, ως ακήρατος. Αυτώ ουν προσοικείωσαι, τους εκβοώντας σοι εκ πόθου
Χαίρε Χριστού εκλόγιον θείον
Χαίρε ηθών θεότιμον μύρον
Χαίρε κοινωνέ της αΰλου λαμπρότητος
Χαίρε θησαυρέ της ενθέου χτηστότητος
Χαίρε στέφανε ανθόπλοκε ευλαβών Μοναζουσών
Χαίρε καύχημα περίδοξον ακραιφνών Ασκητριών
Χαίρε μνησικακίας αναιρέτις τελεία
Χαίρε της ομονοίας δαψιλής χορηγία
Χαίρε δι’ ης κακίας ρυσθίσομαι
Χαίρε δι’ ης αγάπης πλησθήσομαι
Χαίρε ωδής ταυτησί αρμονία
Χαίρε ψυχής της εμής θεραπεία
~~ Χαίροις Μήτερ ισάγγελε ~~